|
دارمي عراقي
المدرسه البيها هواي احلى المدارس
افرح لون بالباب خلوني حارس كون المدير يكول درسهم انته اشرح خمس ساعات بس عن كذلته الطالبات انجوم وانتي گمرهن لشوفتج فدوه يروح عمري وعمرهن يا حلوة الحلوات نتلاكه يمته هو العمر شيفيد من يكضي سكته اول اريدج دوم عالصف تطلعين وحالف قصيده اهديج كلما تنجحين هاج الكلب اخذيه دفتر للدروس وعيوني من تقرين سويها فانوس خابرت ست مرات طلعتلي امج قررت من هاليوم ما راح اكلمج حلو اسمك وابوك اشلون .. سماك وحبيبك لو زعل وياك .. سماك اصيرن سمج وانت اليوم .. سماج امن اطيح ابشبكتك تعطف عليه اريد اخبط زميج الرمل .. والحر وادور عل صديج الوفي .. والحر نخيت الهل وابو الحسنين .. والحر يحفظ كل اخو يذكر خويـــه بنيت ابيوت بالشعله .. وسومر ووجهي من التعب مولح .. وسومر الناس اتدخن اگريفن .. وسومر ونه التتنات ما طاحن بديــــه عمري التيهيته وضاع .. سني كبرت وطاح من گدام .. سني شيعي ولجلك صرت .. سني وتيهت الخمس والمرجعيه وانشاء الله ينال اعجابكم همني الكصاب من كص وريدي ... همني الصديق الخان وضنيتة ايدي مر بينه شنهو يصير من تمر خايب ... مسموم انا بفركاك مامش حبايب طيرانته وانا الكاع لازم تحط يوم ... لوطاير وتعبان لو صايدك حوم هاي اذني يابو فلان انچان افك حلگي ... وباب الكلب مفتوح هم احط سرگي. هذا الحچي التحچي قنعة لروحك ... اصبر شهر شهرين واحسب اجروحك كون الله واهل البيت وحق الصحابة ... يرجع حبيب الروح ويذكر احبابة كون الخميس يشيل منك يالسبوع ... بيه زفة المحبوب وتهل الدموع وانشاء الله يعجبكم اخوكم طه الكبيسي |
رد : دارمي عراقي
تسلم علي النقل الرائع
|
رد : دارمي عراقي
طه الكبيسي روعه روعه ماقدمت روعه
حلو اسمك وابوك اشلون .. سماك وحبيبك لو زعل وياك .. سماك اصيرن سمج وانت اليوم .. سماج امن اطيح ابشبكتك تعطف عليه شكرأأأ لك اخوي طه الكبيسي |
رد : دارمي عراقي
طه الكبيسي تسلم على الطرح الجميل ولاتحرمنا من جديد ابداعك |
رد : دارمي عراقي
الأخ / طه
الله يعطيك العافيه وماقصرت خوذ ردها ... عمده أرد أتيه الروح بعاصف الريح ،،، بلجي على يد اهواي من تصفن تطيح أرد أنشد الصباغ هم يصبغ قلوب ،،، أصبغ دليلي عليه وأحزن فرد نوب كون أنقلب فنجان بيد القهوجي ،،، وأوصل لحلق اهواي وأنتحب وأبجي وسلامتك مع التحيه |
رد: دارمي عراقي
الشكر موصول الى الجميع والله لا يحرمنا من الجمعه واللمه طه الكبيسي
|
رد: دارمي عراقي
يرجع حبيب الروح ويذكر احبابة
.... وهذا طه الكبيسي رجع ورجعت وياه كل الامور السنعه . شعر كلش حلو . |
رد: دارمي عراقي
روحي والجبل والوادي مابيه باقي
والناتج آني وياك يطلع عراقي مرخوص كل عضاي تسحك عليه بس لا تدوس الروح جيف انته بيه |
| الساعة الآن 08:17. |
Powered by vBulletin® Copyright ©2000 - 2024,