|
أبشكي على نفسي
أباكتب دموعي حروف وابـكي على دنـيــاي = وابـشـكي على نفسي على ماجـرى لـيّـه
عـجـيـبـة بـقايـا النـفــس تـبـكي عـلى بـلـواي = وتصرخ ترى غصبٍ عن الدرب ملويّه أنا شاعر(ن) عاش الـمشاعر بـصوت الـناي = يــشـوف الصبـايا كـلهن زول حــوريّـه ليا شفت زول(ن) صرت هايم واحث خطاي = غـدت حــالتي يانـاس بالحـيــل مزريّـه أقــول الغـزل والـوجـد من عــلّة(ن) بحشاي = لهـيـب(ن) تـوقّد منّــه النـفــس مـبـلـيّــه عصيت الولي والمعصيه هي سبب شـقـواي = وحـالي بــراها الوجـد بالحـيـل مـبـريّــه قنيبي يـجاوب تــالي اللـيــل صـوت عــواي = هــمـومي دعت كبدي على النار مشويّه ومـالي ســوى ربي يــحقــق أمـل رجــواي = أبـي تـوبــة(ن) لله وابـاخـلص بـها النيّه |
رد: أبشكي على نفسي
هههههههه
الله يحقق لك مناآآآآآك صح لسانك ياشاعرنا حروف وصفت لنا اعترافات قلبك الاخضر كلام يشد كل مر عليه ويجبره ع تتبعه برووووعه سلمت وسلم لنا احساسك الشجي لله درك،،،،، |
رد: أبشكي على نفسي
شموووخ
تسلم هالضحكة وعساها دوووم صح بدنك وكلك يالطيبة لكي ودي وتقديري |
رد: أبشكي على نفسي
ماشاء الله تبارك الله
قصيدة جزلة ورائعة بصراحة عجبتني كثير صح لسانك أخوي عبد اللطيف |
رد: أبشكي على نفسي
اخوي علوش صح بدنك
يسعدني مرورك ولك مني أجمل تحية |
| الساعة الآن 02:04. |
Powered by vBulletin® Copyright ©2000 - 2024,