ذخر الوطن
أنا سـعودي خلـيجي عالي الـهمـّه = ذخر الوطن لـ بـغوه بـيـوم عيّـاله
أناالذي ساكن(ن) حب الوطن دمّه = يفديه باهله وغالي الروح وعياله يـقـبـّل اغلى ثرى بالشوق ويـشمّه = ويـصيح مابه بـلد بالكـون بامثـاله يـعـنـيه حـب الوطن بالحيل ويهمّه = ويـعيش في داخـله ويزيّـن احواله دستوره الشرع منـّه واصـل القمّه = تـشوف حـبه فـعل ويـبيـن باقـواله عسى عدوه يموت اليوم من سمّه = يصيـبه اللي فعـل من شيـنـة افعاله |
رد: ذخر الوطن
وعليكم السلام ورحمة الله وبركاته .ماقول غير تسلم قريحتك قويه عذبه للوطن وأهل الوطن الله يهني الوطن بمثلك وشرواك الشاعر عبداللطيف نسل الاحرار الفضول .
|
رد: ذخر الوطن
الله الله
صح لسانك ولاهنت شاعرنا ومبدعنا المميز ودامكم انتم رجال الوطن ماعلى الوطن خووووف وكلنا فدا بلاد الحرمين من اي تنديس ابيات كعادتك دائما تمتعنا بها وتشوقنا لانتظار حرفك من جديد لاتحرمنا جديدك ولاتبطي بالغيبه.... سلمت يمنآآك وسلم احساسك... تحياتي وتقديري.... |
رد: ذخر الوطن
كفو أخوي عبد اللطيف
كلنا ذخر وجنود للوطن صح لسانك ولاهنت |
رد: ذخر الوطن
ابن لام الدويسي صح بدنك
مرورك رائع تدهشني بعباراتك الجميلة لك مني كل الشكر والتقدير |
رد: ذخر الوطن
شموخ الجموح
صح بدنك وكلك أقف مشدوهاً ومذهولاً أمام مرورك الجامح جموح الخيل والشامخ شموخ الجبال فالأصايل لها أنفه وعز وكبرياء وهاهي تتجسد فيك أشكرك بلا حدود لكي مني كل الود |
رد: ذخر الوطن
علوش الفضلي
صح بدنك أشكر لك مرورك الرائع لك مني كل الشكر والتقدير |
رد: ذخر الوطن
ان طال الكلام اوقصر انا اشهد أنكم تنومسون روعتنا صدا لابداعكم ياهلنا.
|
الساعة الآن 04:25. |
Powered by vBulletin® Copyright ©2000 - 2024,