بسم الله الرحمن الرحيم

السلام عليكم ورحمة الله وبركاته

هذي القصيدة بعنوان ... ( ذود العرب) .. لشاعر عبدالله العودة





[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ما احلى لبنها لارعت كل وادي = لامن تغبا جنبها في شمعها

المغتر اللي ماوقفت للمزادي = بكرة ولاحز الكتب قد وجعها

حوارها في كل شعب(ن) يرادي = اول حوار(ن) ماسبقه من رضعها

ماغربلوها بالكتب والشدادي = تطرخ ولا احد(ن) ردها من سنعها

مرباعها يزين فيه الهدادي = والحر لاشاف الحباري شلعها

مرباعها يشبع جميع البوادي = وذود العرب حسادها ماقرعها

ذود(ن) اهلها يرهبون المعادي = والكل نفسه في النوايب دفعها

رعيانها اهل الكرم والطرادي = بدو(ن) لها سلوم(ن) تميز طبعها

علومها الطيبة قدام(ن) جدادي = بافعالها رب البرية رفعها

ظيانها تشعل وتلهب وقادي = والضيف لامن شافها مانسعها

واهلا وسهلا ومرحبا بكل بادي = مرحبة بالضيف زايد ولعها

معودين الضيف فعل(ن) وكادي = فعل الكرم سنة رسول(ن) شرعها

يفرشونه بسط صوف(ن) جدادي = ويقلطون الحيل والسمن معها

ويناولونه رايبات القنادي = مهيلات بزعفران وتبعها

أنا لهم ياناس معلن حيادي = النفس فيهم مايوقف طمعها

ودي بخوي(ن) لازهمته انادي = لاقلت هيا صوبهم قال معها

ودي اخاوي كل شهم(ن) جوادي = اللي جميلات الفعايل صنعها

مثل السبيعي يوم خاوى المهادي = قصة شهيرة كل شخص(ن) سمعها

اقضي له مراده ويقضي مرادي = ونفس الخوي يحنها ماوجعها

لامن زهمته فز مثل الجوادي = ولا مثل حر(ن) سبوقه قطعها

يفديه من ذكره وطاريه عادي = مانال من فخر المراجل ربعها

احب رجل(ن) نافل(ن) بزديادي = جبال المراجل كايدات وطلعها

ذكره يعلي بالحضر والبوادي = والاذكار ترفع قرمها اللي رفعها

والذكر للي بالمراجل يشادي = شبل(ن) نشا فيها وسبع(ن) سبعها

الموت شبان(ن) تروح النوادي = لاحضر لابدو(ن) الهي قلعها

لاهي بوادي لا ولا اهل البلادي = ومضيعة سلم البداة وطبعها

نسل الحمايل قايدة ماتقادي = خلوا سلوك الجاهلين وسنعها

اخذوا سلوم المرجلة باجتهادي = القرم قادته المراجل تبعها

والعمر يفنى تاليته النفادي = والاموال تذهب ماحماها طمعها

وكل زارع تاليته الحصادي = ويخيب من يكنز اموال وجمعها

وترى النصيحة ماتفيد الجمادي = وقول النصيحة للبهم مانفعها

واخص في ذلك عقول(ن) عنادي = من طاع نفسه ينثوي في دنعها

وهذي بيوت(ن) من مكنة فوادي = يازاكي العقل الفطين استمعها[/poem]

يازاكي العقل الفطين استمعها

صح لسان الشاعر عبدالله العودة

ابيات جزله من شاعر جزل

شكرا ياستاذي سلامه على النقل الراااائع

كما انت دايما راائع

بارك الله فيك لاهنت