أجمل ما قرأت
 

هذه القصيدة اهداء لكل المتحابين المتخاصمين

لا تعتذر................
لا تعتذر ما للهجر منك تبرير
صدق بلا اي ذنب والله ظليمة
ماصار لي بعدك يفوق اي تصوير
تجددت كل الجروح السليمة
بعدك لعب في هاجسي والتفاكير
وقلب جريح وروح حب مهيمة
ماغير اسلي خاطري بالمشاوير
اروح وارجع والهواجس مقيمة
ياحب ياللي بين بيض القنادير
لكفي عروش القلب قدر وقيمة
ان كان صدك ماخذك عني الغير
روّح ولو ان الخساير وخيمة
إن كان خذتك عني المقادير
فالعفو عند المقدرة فيه شيمة
يامرحبا والحب كله معاذير
تشفعلك ايام الغرام القديمة
يوم الهوى لا زارني منك اصير
أضم في صدري لأجلك نسيمة
كل يوم اصّبر خاطر الوجد تصبير
وأقول صدك غقب وصلك جريمة
ولو جاك مني ياهوى البال تقصير
مواقفي وياك والله عظيمة
سخرت لك مشاعر الشوق تسخير
وأمطرتك بحب تقفّاه ديما
ظللتك بجفني وصارت مسافير
يوم الغلا بين النديم ونديمة
اليوم ما تنفع كثير المحاذير
تفاقمت بين النفوس الحشيمة
عسى سنينك روض عشب ونواوير
محد لنفسه يرتضى بالهزيمة
هم ما تخاويني على الشر والخير
ولا السلامة منك راس الغنيمة

رد: أجمل ما قرأت
 

محمد الجارالله

صح السانك وتسلم يمينك

ابيات رائعه

ننتظر المزيد

رد: أجمل ما قرأت
 

صح الله للسانك واعتلي شانك ..


الله يعطيك العافية ذائقة فذة .

ـــــــــأأأأحتررراماتي ...:

رد: أجمل ما قرأت
 

راعي العليا, صالح الدعفس اشكر مروركم واسعدني تعليقكم
دمتم بخير تقبلو تحياتي

رد: أجمل ما قرأت
 

رد: أجمل ما قرأت
 

رد: أجمل ما قرأت
 

رد: أجمل ما قرأت
 

رد: أجمل ما قرأت
 

سلمت يمنآآآك

ابيات جزلة


انتقاء موفق


يعطيك ‏
العافيه،،،