المورسدس
السلام عليكم ورحمة الله وبركاته
هذي القصيده للشاعر/ خليفه بن عوده ال بويت الفضلي يرحمه الله راكب اللي ماتوانى في مسيره+++++الموديل جديد والموتر جديدي مورسدس صغير مأمون الخطيره+++++من صنع المان ممتاز الحديدي ساقه اللي حاضر فكر وبصيره+++++مايهمه قصر خطه والبعيدي شوف عينه ما اكتفى بأشواف غيره+++++ ماتقدم للفقيه اخذ الرصيدي دن لي قرطاس والبريه قصيره+++++ واكتب اسم اللي له العالم عبيدي وانظم ابيات كما اللولو نظيره+++++لا قصر فيها ولا شىء يزيدي زفها بالصوت في عبر الاثيره+++++ سين ولام وميم واخبار تفيدي نصها قذلان في جوف العشيره+++++ ولد من يثنى الى جف الوريدي وسلامتكم يالربع |
وعليكم السلام ورحمة الله وبركاته أبيات حلوة أخوي أبو مطلق وش رايك نجمع اللي نلقاه من الأبيات في السيارات في المشاركة هذي ؟ |
وعليكم السلام ورحمة الله وبركاته
يسلمووووووووووو اخوي / ابو مطلق على القصيدة الله يرحم الشاعر خليفه بن عوده آل بويت الفضلي وصح لسااااااااانك على النقل الرائع مورسدس صغير مأمون الخطيره+++++من صنع المان ممتاز الحديدي مشكوووووووووووور |
هلا بك يابو عساف ورايك سديد
واخرج مافي جعبتك يالغالي |
هلا بك يابو خالد وصح بدنك يالغالي
وشكلك تحب الالماني يابو خالد |
ابو مطلق تسلم يمينك
والله يرحم الشاعر بواسع رحمتة |
هلا بك ياماتركس
وجزاك الله خير ومشكور على المرور |
يقول خلف بن خليف الوهيداني من الأحساء هذه القصيدة
راكب اللي جيب لكـزس مشترينـه مشترينه نقـد ماهـو بالقصـودي من وكيلـه قبـل ياصـل حاجزينـه حاجزينه لو حصـل بالسعـر زودي اربعـه والفيـن أصفـار المكينـه ماأشتغل لحظـة ولا دار العمـودي ولبـدي بستـم رفـع ومنزليـنـه بالسفلت.. ونرفعه بأرض النفـودي راكـدٍ ممشـاه ياحلـوه وزيـنـه لادعست (سليتره) مشيـه يـزودي يعجب اللي يشبحه في شوف عينـه ومنوة اللي للسفر جبـرَ امحـدودي منوة اللي مسكنه بقصـى المدينـه والعمل باالزور.. والوقت امعدودي ود عينـه شـوف حـيٍ محترينـه لـه سنـه ماشافهـم وده يعـودي |
وهذا واحد يوصف عشقته
يابو مبيسم فيه من شنطة الجمس ======= بعدك ترى عني يسوي الهوايل ولك شفة ٍ تشبه كفر كابرس اس ======= من كبرها قــالوا عليها المثايل |
يابو مبيسم فيه من شنطة الجمس
======= بعدك ترى عني يسوي الهوايل السلام عليكم صح الله اللسانك يابو عساف وتسلم يمينك يمدحون موترك يابو عساف |
وعليكم السلام أنت تحب الـ BMW يا أبو مطلق |
مالك لوا يابو عساف
انا عاشق اللاند كروزر في اكس ار |
اجل خذو ذا البيت
خاص لكل الشباب اللي مواترهم كامري قلبي شوارع وانت حبك كامري**يكفي حبيبي داخل القلب تنطيل |
طيب يا راعي العليا ، واللي شباب وما يحب الكامري (واحد واثق من نفسه إنه شباب)
|
هلا ابو عساف انت طبعا من الشباب اللي واثقين من انفسهم (لووول)
بس غريبة ابو عساف خذ ذا البيت واظن بعد ماتقراء ذا البيت بتحب الكامري يابوعساف نطلة وعقدة وعكسية **على كامري xli عشبية ها وش رايك |
|
مانت بسهل يابو عساف
شكلك عاسف كل السيارات ورسيت على البي ام دبليو ياراعي العليا ترى الكامري يشتكي منك وش رايك تبيعها على (شريطي)واريحك منها ولكم هذي القصيده نهجنا على الادواج والجمس ابو ونان =====جذبها الدليله كنها العقـب وادلاهـا مكاين طيايرٍ وهـي مالهـا جنحـان =====وتاخذ قضى الجنحان فالخد ممشاهـا تذب القعد وتشق ماشق بـه نيسـان=====تهول القلوب من المطاليع وانحاهـا قطعنا عليها الرمل والسيح والوديـان ======ورى مقشن وشعيت ما تعرف اسماها ظربنا عليها فرجةٍ هابهـا سرحـان ======وكم شقة عاويٍ بها الذيـب دسناهـا عليهـا مناعيـرٍ ولا ركبهـا كوبـان =====مع المانيا اللي زودوا سعر مشراهـا الشاعر محمد بن علـي آل فطيـس |
تسلم يمينك يا ابو مطلق على الابيات
عقب ذا الابيات بديت اشك انك شريطي <<< يمزح ابو عساف بما انك بتاع كوله مافي قصيده عن الاوودي << زكرت الولد مشكور يا ابو مطلق والله لا يحرمنا من نقلاتك الحلوه اخوك / بن غزي 2005 |
هلا بك يابن شديد واشكرك على المرور
يارجال انا اذا صرت شريطي ابشر بالخساره لاني صريح وشغل الشريطيه فيه انواع الحلوف (عساك ماهوب شريطي)امزح |
صح لسان الجميع وتسلمون على الكلام الطيب
ابو مطلق غلاك زاد في قلبي يوم عرفت انك تحب اللاندكروز |
ارحب يابو مانع وصح الله بدنك يابن العم
ومن غلانا نغليه برواحنا يالغالي |
الساعة الآن 09:13. |
Powered by vBulletin® Copyright ©2000 - 2024,