ياهلا وألف هلا حياك يـاراع المثايـل

يارفيع الشان والتقديـر بعـد الإحتـرام

مرحبا يالشمري إعداد همـال المخايـل

يابعيديـن الهقـاوي يارفيعيـن المقـام

شفت بالهيلا بيوت مابها قـولات قايـل

منك ياعلوش مثل الـدر مافيهـا كـلام

تمدح الطيب بقاف وافين مابـه هزايـل

وشايفن بالعين فعله يوم لبستـه وسـام

نادر وإن هد ياعلوش جابلـك الجزايـل

حر ومجرب مخاليبه كما حـد الحسـام

من سلايل لام ياعلوش ياطيب السلايـل

ومن خوال لا تعزوت بالملاقا والزحـام

عز من صارو خواله كريمين السبايـل

دايمن طيب الولد من طيب خاله له لزام

ومن عمامه باينن فعله بحـزات الثقايـل

شايع بالطيب في شرق شهر ولا بشـام

كنه النجم المسمى للنجـم راع الدلايـل

وكنه العد المسمى للضوامـي والحيـام

والسلام ختام فالاول وفي ختم المثايـل

عد من كبر وصلى وعد من صام الصيام