فمان الله ياول من سكن بين الضلوع العوج
عسى دربك سفير وعسى الله مايخلنـــــي

توكل لاتوادع عسى درب الجفأ المسهوج
يصادف درب فرقى عقب هامة تلمحك عيني

سمحت من الهوى ومن القصيد ومن زراق الموج
رميت اغلا مجاديف الغرام وجيت بإيدني

ابغرق في عذابك لارحلت يصبح المنتوج
قصيد في حياتي سلوتي وإن مت يرثيني

وإذا هبن بنات الريح للذكرى بدون سروج
ابسرج مهرةالنسيان وابرحل من عنوايني

قد طلبت الله وانا بين زمزم والحطيم
شوفتك ياغلا سميه لاصرتي رباع

العيون تجوع تجوع والله العظيـــم
والعشى في عيونك السود وعيوني جياع

ان عطيتي مايرد الكريم الا الـئيـــم
وان بخلتي قلت تكفيني والدنيا متاع

اقبلي مثل التباشير في وجه الكريـــم
وارحلي مثل التعازي على موت الشجاع