كأنها تقود الجيش

سلام من ال عبيدالله عدى مطاليعه سهيل
للي للفو من دار اخو مريم علا روس الطوال

ياهاجسي بازهمك تكفى عني لزومي لاتميل
دبوس جاب الصفر راعي الطيب لاجات الثقال

من لابتن يوم الملاقى يعتلو راس الطويل
اهل العلوم الوافيه ذخر الخوي في كل حال

من نسل فضل ولام ساس المجد مزبان الدخيل
اللي هنا والي هناك اخوان والدنيا سجال

حنا معك وازهم بنا حنا كما السيف الصقيل
ربعك معك قدام سقها بانوردها الزلال

من ال طي اهل القنا رجال مافيهم بخيل
سلايل ن باالطيب تذكر من قديمات الليال

من دار اخو نوره سلامي ياهل العلم الجزيل
لرض الكويت الي علا الناموس وعلوم الرجال

من ال عبيدالله هل الماجوب والفعل الجميل
ذخر الخوي في ساعة الشده يجونه باالعجال

هم عزوت الخايف فلا ثار الفشق خشم الفتيل
اهل المواقف ماتزحزح كنهم صُم الجبال

دبوس حنا محزمك واقولها عندي دليل
ارقى سنود الفضلي ليام قام مافيها جدال

لامن نوينا السير جينا القوم كنّا موج سيل
الا قباله يشلعه واللي يمينه والشمال

ادحم بجمبك فالك البيرق عسا عمرك طويل
شرفتنا والطيب من يمناك ياذرب الفعال

والطيب ورث الي علا الناموس له وقفه وقيل
مثلك يشله ياذرى الفزعات ياوافي الخصال

الراس شوش فيك واتغنا ودور للجزيل
اللي يشوش سامعه الين يحذف باالعقال

اطرب لفعل الجيد واتحمس واشوح باالشليل
وارقى سما وامدح… مقاديم العيال

جات الصفر كنها تقود الجيش والمبعد يخيل
كسب الرجال اللي لهم في المجد تاريخ ومثال

والختم صَل الله عدد مالاح براق المخيل
علا النبي اعداد ماهلت هماليل الخيال

شعر/جابر بن صالح العبيدالله

لن يتم نشر عنوان بريدك الإلكتروني.

جميع الحقوق محفوظة لــ قبيلة الفضول

تصميم وبرمجة شركة  كيان للبرمجيات