ذيع الخبر دبّوس سيطر عالصفر
بالمختصر والمختصر دايم مفيد
شطر شطر أغرف من الندّر بكر
هات اللحن تو مبتدا بدع القصيد
رح علّم اللي ماسمع ولا خبر
انّ الفضول اخصام ذو بأسن شديد
قومن اذا حان اللقا ماتنقدر
جنّ البشر لاصارت الدعوه وعيد
على كبود اخصامنا مثل الجمر
نكوي كوي نضرب بيمنن من حديد
عن وعدنا يا خصمنا ليه العذر
هو قال لك دربل وتلقانا بعيد
وسط الصياهد شيدو قوس النصر
طشو الغتر المركز الاول اكيد
من لا فزع يالابتي ماينذخر
ماله عذر عن جمعنا منهو يحيد
مثل البحر من ضدنا ماله مفر
حنّا هل الحيزا عمى عين الضديد
مقلاطنا على المنصه بالصدر
الاوله عاده لنا ويش الجديد
ندّر صفر اويه ياندّر صفر
متغطرسه كل ما هقيت بها تزيد
بالمختصر حنا هنا بالمختصر
فردي وجمل استودعت ضمن الرصيد
الشاعر : لاحم الفضلي